Kur kanë mbetur vetëm 60 ditë nga dita kur qytetarët e Sarandës do të shkojnë drejt kutive të votimit për të zgjedhur kryetarin që do të drejtojë qytetin për 4 vitet e ardhshme, socialistët ende nuk kanë vendosur se cili do të jetë kandidati i tyre.
Në sondazhin e publikuar nga Saranda Web në grupin e faqes, ku mundësia për manipulim me vota fallso është e pamundur, kanë votuar mbi 850 pjesëmarrës.
Në këtë sondazh, ashtu si në sondazhin e kryer përpara 1 muaji, Adrian Gurma ka marrë mbështetjen kryesore me më shumë se 69% të votave, përkundrejt 31% për Oltion Caci.
