Pas publikimit të pamjeve skandaloze të lopëve në varrezat e qytetit të Sarandës, ka ardhur edhe reagimi i Komisariatit të Policisë Sarandë.
Nëpërmjet një deklarate, Policia shprehet:
Nisur nga shqetësimi i publikuar sot në faqen e portalit Sarandaweb, ku përmes fotove shihen disa lopë që janë futur brenda rrethimit të vorrezave publike në lagjen nr 3, sherbimet policore e ndoqën me vëmendje rastin. Për rrjedhojë u bë shoqërimi i shtetasit Z. Ç. me banim në këtë lagje, i cili për shkeljen e krijuar do të procedohet në gjendje të lirë për veprën penale “Dhunimi i varrezave publike”.
Falenderojmë portalin për publikimin e këtij rasti shqetësues, thuhet në reagimin e Komisariatit të Policisë Sarandë.
