SYRI I KALTER

09/10/1913:59

Shperndaje:

SYRI I KALTER – VIDEO

SYRI I KALTER – Keni ëndërruar ndonjëherë sikur ndodheni në një vend magjik, mbuluar me bimë të lartësuara, ku dergjet vetëm kënga e zogjve dhe gurgullima e një burimi me ujë në ngjyrë thellësisht blu?
Ai vend ëndrrash është Syri i Kalter.
I buruar nga Mali i Gjerë dhe i vendosur mes Sarandës dhe Gjirokastrës, kjo luginë e magjishme është një nder 18 burimet që shpërthejnë rrëzë këtij mali dhe është pa diskutim destinacioni më tërheqës në
Jug.
Syri i Kalter është një burim natyrorë, në një thellësi prej më shumë se 50 metrash, i krijuar mrekullisht nga nuanca ngjyrash, që syri i njeriut mahnitet t’i shikojë. Natyra e ka pikturuar këtë burim në formën e një syri, i cili duket ngjyrë blu i thellë në mes dhe i kaltër anash.Sipas legjendës së njohur, dikur në atë tokë sundonte një dragua, i cili ndalonte banorët të merrnin ujë dhe rrembente vajzat.

SYRI I KALTER – Në momentin që dragoin e vrasin, nga syri i tij buroi i gjithë uji i kulluar duke krijuar Syrin e Kalter dhe rrjedha e tij mori
formën e lumit të Bistricës, i cili ushqen përreth një bimësi goxha të dendur. Të gjithë preferojnë të shohin diçka magjike në këtë vend, ku natyra dhe njeriu vihen në barazpeshë dhe lidhen ngushtë mes
tyre.

SYRI I KALTER

SYRI I KALTER – Dora e njeriut ka ndihmuar në këtë vend në ndërtimin e shtëpizave prej druri, ku mund të qëndrojnë pushuesit për të fjetur e me tu zgjuar në mëngjes, mund të shijojnë ushqimin nëpër restorantet e vogla mes bimësisë së gjerë, qetësisë absolute dhe freskisë.
Syri i Kalter është shpallur monument kulture
Pavarsisht ujit të ftohtë që arrin më pak se 10°C , vizitorët nuk ngurrojnë të hidhen në të e ta shijojnë këtë eksperiencë, e cila pa dyshim do të jetë ndër më të bukurat e jetës së tyre.
SYRI I KALTER – Pushuesit e ardhur në këtë vend magjik nuk do të harrojnë kurrë kënaqësinë e të shijuarit ushqimin tradicional të zonës nën hijen e pemëve të larta shoqëruar me melodinë e këndshme të ujit, i cili duket se pasurohet më shumë mrekullisht nga kujtimet e gjithë njerëzve që e marrin me vete.
Syri i Kalter fle dhe zgjohet mes ëndrrave të tyre

SYRI I KALTER


Postimet e fundit

©SARANDAWEB - 2021 • Ndalohet riprodhimi i paautorizuar i përmbajtjes së kësaj faqeje.