Mister në Ksamil: Rrobat dhe telefoni i Naim Likometi gjenden në breg të detit
Një ngjarje e pazakontë ka ndodhur në Ksamil, ku një 49-vjeçar nga Tirana, Naim Likometi, është shpallur i zhdukur që prej mëngjesit të 8 marsit 2025.
Sipas burimeve, Likometi, i cili zotëron një banesë në Ksamil, është larguar nga shtëpia e tij rreth orës 06:00 të mëngjesit dhe që nga ai moment nuk ka pasur më asnjë kontakt me familjarët apo miqtë e tij. Naim Likometi ishte i veshur me një xhup të zi, atlete Adidas dhe një kostum sportiv Adidas me ngjyrë blu të errët në momentin e zhdukjes.
Ajo që ka shtuar edhe më shumë dyshimet është se sot në mesditë, në breg të detit janë gjetur rrobat dhe telefoni i tij celular.
Telefoni ishte aktiv deri në orën 16:00 të datës 8 mars, por pas kësaj ore është fikur, duke e bërë edhe më të vështirë lokalizimin e tij.
Autoritetet dhe familjarët kanë nisur kërkimet për të gjetur 49-vjeçarin.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
