Komisar Agim Troci nderohet me “Yllin e Mirënjohjes Publike” për betejën me zjarret në Delvinë
Kryeministri Edi Rama ka vlerësuar sot me dekoratën “Ylli i Mirënjohjes Publike” komisar Agim Troci, i cili u plagos gjatë përballjes me flakët në Delvinë më 25 korrik. Në një ceremoni solemne, Rama theksoi kontributin e zjarrfikësve që përballuan zjarret në vend, duke vënë në rrezik jetën e tyre për të mbrojtur njerëzit dhe pasurinë publike.
“Mes tyre ka edhe jetë të dyta, si jeta e komisar Agim Troci që u dergj i plagosur për ditë të tëra në shtrat, por pa keqardhje për veprimin heroik që mund ta kishte ndarë përgjithmonë nga familja dhe nga fëmijët,” – tha Rama.
Kryeministri përmendi gjithashtu edhe emra të tjerë të forcave zjarrfikëse, si kolonel Gëzim Marku, zjarrfikësi nga Bulqiza, komandanti Ervin Buzi dhe Klajdi Tushe, duke i cilësuar shembuj të sakrificës dhe trimërisë.
Sipas Ramës, “Kronika e zjarreve të kësaj vere mund të vazhdojë të rrëfehet gjatë, por ajo mbetet mbi të gjitha një histori e jetëve të vendosura në shërbim të publikut, shpesh duke sfiduar edhe kufijtë e rezistencës fizike të trupit”.
Ky vlerësim vjen si një mirënjohje e lartë për përkushtimin dhe sakrificën e zjarrfikësve që u gjendën në vijën e parë të betejës me flakët, ku komisar Agim Troci përfaqëson një prej figurave më domethënëse të kësaj përballjeje.
Shefi i Komisariatit Delvinë Agim Troci sakrifikon veten për të shpëtuar një fëmijë nga flakët
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
