Kandidati Alket Hyseni takim me banorët e Lugut të Dardhës
Kandidati i Partisë Socialiste për Sarandën, Alket Hyseni ka zhvilluar një takim me banorët e zonës së Lugut të Dardhës ku ka shpjeguar programin elektoral të Partisë Socialiste. Duke u fokusuar tek zhvillimi i ekonomisë dhe mirëqenia, Alket Hyseni u pohoi banorëve se investimet e shumta që do të vijnë në Sarandë do të bëjnë që së shpejti të hapen mijëra vende të reja pune.
Sipas kandidatit Alket Hyseni, në mandatin e dytë qeverisës do të punohet fortë me rrugët e Sarandës në mënyrë që të mos hasen problemet e trafikut. “Ndriçimi publik do të ndryshojë së shpejti në mënyrë që të mos kemi më rrugica të errëta, por rrugë të mire ndriçuara”,- tha Alket Hyseni gjatë takimit.
