Aksidenton kalimtaren e moshuar dhe largohet, Policia në ndjekje të autorit

Policia njofton se sot rreth orës 07:20 në Livadhja një mjet ende i paidentifikuar ka aksidentuar një këmbësore.

E moshuara E. M., rreth 75 vjeçe, banuese në Livadhja, e cila u dërgua në spital dhe ndodhet nën kujdesin e mjekëve.

Policia shprehet se grupi hetimor po punon për identifikimin dhe kapjen e drejtuesit të mjetit i cili pas aksidentit është larguar nga vendngjarja.