SPAK Operacion në Sarandë: 10 Urdhër-Arreste për Trafik Drogë, Sekuestrohen Celularë
SPAK ka ndërmarrë një operacion të gjerë në Sarandë për goditjen e një grupi të dyshuar për trafik droge, hetimet ndaj të cilit kanë nisur që prej vitit 2020.
Prej orëve të para të mëngjesit, forcat policore kanë kryer kontrolle në disa banesa dhe kanë shoqëruar disa persona. Burime nga hetimi bëjnë me dije se deri tani janë arrestuar tre persona, ndërsa kërkimet vijojnë për të tjerët.
Operacioni është shtrirë në Sarandë dhe Delvinë.
Mësohet se në Sarandë janë shoqëruar tre persona, dy prej të cilëve janë lënë në masën e sigurisë “Arrest në burg”, ndërsa një tjetër është vendosur në masën “Detyrim paraqitje”. Ndërkohë, në Delvinë janë shoqëruar edhe nëntë persona të tjerë.
Në Sarandë janë ndaluar tre persona:
Bledar Haderi – me masë sigurimi “Arrest në burg”
Gelbert Koshi – me masë sigurimi “Arrest në shtëpi”
Dhurim Logli – me masë sigurimi “Detyrim paraqitje”
Ndërkohë, në Delvinë janë shoqëruar nëntë persona, mes tyre Markelian Alinani, trajner i ekipit të futbollit “Bistrica”, dhe Orges Kalo.
Gjatë operacionit janë sekuestruar edhe disa celularë që dyshohet se përdoreshin për aktivitetin kriminal. Autoritetet pritet të japin më shumë detaje në vijim.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
