Rikthehet projekt-vendimi për pjesmarrje të Bashkisë Sarandë në shoqërinë aksionere fantazmë. Këshilli Bashkiak i Sarandës ka gati projekt-vendimin për pjesmarrje të Bashkisë Sarandë në themelimin e të ashtëquajturës Shoqëria Aksionere “Koncorsium për zhvillimin e Rajonit Vlorë-Gjirokastër”. Mbledhja në të cilën mes pikave të tjera të rendit të ditës është edhe vendim-marrja për pjesëmarrje të Bashkisë Sarandë në themelimin e kësaj shoqërie do të mbahet në datë 29 korrik. Megjithëse ky është një vendim mjaft i rëndësishëm, qytetarët nuk kanë asnjë informacion se çfarë synon kjo shoqëri aksione dhe çfarë interesash ka Bashkia Sarandë për pjesmarrje në një shoqëri aksione ose në një sipërmarrje private.
