Rama në Sarandë: Në fund të mandatit të 4-t Saranda do të ketë ujë 24 orë

Rama në Sarandë: Uji 24 orë s’ka qenë ndonjëherë, por në fund të mandatit të 4-t do ta keni!

Gjatë vizitës së tij në Sarandë, Kryeministri Edi Rama u ndal edhe te problematika e furnizimit me ujë, një nga shqetësimet më të mëdha për qytetarët dhe bizneset në zonë. Në një bashkëbisedim publik, drejtori i Ujësjellësit të Sarandës, Olti Caçi, pranoi se situata është përmirësuar krahasuar me vitet e kaluara, por qyteti ende nuk furnizohet 24 orë në ditë me ujë.

“Furnizimi me ujë është përmirësuar ndjeshëm, kemi më shumë ujë këtë vit. Megjithatë, nuk kemi furnizim 24 orë, kjo kërkon kohë dhe investime të mëtejshme për ta arritur,” – deklaroi Caçi.

 

Në përgjigje, Kryeministri Rama e pranoi se furnizimi me ujë është një sfidë që nuk mund të zgjidhet menjëherë, por premtoi se gjatë mandatit të katërt qeverisës, Saranda do ta përfundojë këtë cikël problematik.

“Furnizimi me ujë 24 orë është një gjë jo e lehtë, dhe Saranda nuk ka pasur kurrë ujë 24 orë në ditë. Por besoj se në fund të mandatit të katërt, qyteti do të ketë ujë 24 orë pa ndërprerje,” – u shpreh Rama.

 

Ky premtim vjen në një moment kur Saranda po përballet me rritje të ndjeshme të popullsisë gjatë sezonit turistik dhe kërkesa për ujë është shumë herë më e lartë, duke e bërë këtë investim kritik për zhvillimin e qëndrueshëm të qytetit.

Website Saranda Web

Facebook Saranda Web

Instagram saranda.web

Youtube sarandaweb

Tiktok saranda.web

Pinterest sarandaweb

in sarandaweb