Qendra Polivalente “Feti Rugji” Sarande drekë festive me rastin e festave të fundvitit
Qendra Polivalente “Feti Rugji” Sarande ka organizuar një drekë festive, me pjesëmarrjen e banorëve të kësaj qendre sociale. “Është bukur të duash, të ndash çaste gëzimi me këta të moshuar, por mbi të gjitha të falësh dashuri dhe përkujdesje në prag festash”, u shpreh Kryetarja e Bashkisë Florjana Koka, në përshëndetjen e saj drejtuar të moshuarve.
Nuk munguan dhuratat për të moshuarit, të mundësuara posaçërisht nga Bashkia Sarandë. Përfaqësuesi i Fondacionit “Shpresë për Botën”, Fatos Demiri, dha dhurata speciale për të moshuarit që kanë ditëlindjen në këtë muaj të fundit të vitit.
