Komisariati i Policisë Sarandë njofton se policia ka arrestuar në flagrancë dy shtetas dhe ka proceduar në gjendje të lirë një tjetër për “Prodhim dhe shitje narkotikësh”.
Të arrestuar janë një shtetas 21 vjeç, banues në Sarandë dhe një 32-vjeçar, banues në Elbasan, ndërsa procedohet në gjendje të lirë një shtetas 19 vjeç, banues në Konispol.
Sipas policisë, Seksioni për Hetimin e Krimeve Sarandë kanë bërë të mundur kapjen e këtyre shtetasve në lagjen nr.4 pranë repartit, pasi gjatë kontrollit të ushtruar në automjetin me të cilin këta shtetas udhëtonin, u gjet dhe u sekuestrua një sasi lënde narkotike e dyshuar e llojit canabis sativa.
Materialet iu referuan Prokurorisë në ngarkim të tyre për veprime të mëtejshme.
