Policia e Sarandës arreston të riun nga Delvina, u kap me kokainë

Komisariati i Policisë Sarandë njofton se nga specialistët për Hetimin e Krimeve në Komisariatin e Policisë Sarandë u bë arrestimi në flagrancë i shtetasit P. L., 26 vjeç, banues në Delvinë, për veprën penale “Prodhimi dhe shitja e narkotikëve”.

Arrestimi i tij u bë pasi sipas policisë, gjatë kontrollit fizik të ushtruar, u gjetën dhe u sekuestruan një sasi lënde narkotike e dyshuar kokainë.

Materialet iu referuan Prokurorisë, për veprime të mëtejshme, përfundon Komunikata e Policisë.