Plazhi i Manastirit. Plazhi i Manastirit ndodhet më pak se 8 km larg Sarandës, në rrugën Sarandë – Butrint. Plazhi i Manastirit emrin e ka marrë nga Manastiri i Shën Gjergjit, i cili ndodhet në kodrën mbi këtë plazh. Afër plazhit të Manastirit ndodhet edhe Muri i Demës, muri mbrojtës i qytetit antik të Butrintit. Plazhi është i vogël dhe me ujë të kristaltë. Në këtë plazh ka edhe një bar ku shërbehen edhe pije freskuese, ndërkohë që është ndërtuar edhe një kamping me çadra për pushuesit që preferojnë pushime të lira dhe larg zhurmave të qytetit.
