Policia e Sarandës ka vënë në pranga dy vëllezër, të akuzuar si autorë të plagosjes së një 26-vjeçari dhe prindërve të tij pasditen e djeshme në lagjen nr. 4 të Sarandës.
Ngjarja ndodhi pas një konflikti për parkimin, kur vëllezërit Romeo dhe Fabion Laze, goditën me sende të forta N. A , E. A dhe B. A. Ngjarja ndodhi rreth orës 17.45 të së dielës, ku në konflikt u përfshinë të paktën 6 persona.
Ata u goditën me grushte, shkopinj e sende të forta, duke marrë plagë të rënda. Tre personat janë transportuar me autoambulancë drejt Spitalit të Sarandës ku kanë marrë ndihmën e parë, pasi kishin marrë goditje të shumta në kokë e trup, por fatmirësisht jashtë rrezikut për jetën.
Policia shoqëroi fillimisht 4 persona, ndërsa pas hetimeve arrestoi në flagrancë dy prej tyre për veprën penale “plagosje e rëndë me dashje në bashkëpunim”. Ata janë Romeo Laze 45 vjeç dhe Fabion Laze 39 vjeç.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
