Pak ditë më parë Saranda Web publikoi një video të gjendjes së rëndë lidhur me ndotjen në zonën e Çukës.
Përgjatë aksit rrugor Metoq – Ura e Çukës gjendeshin tonela të tëra mbetjes urbane, të cilat gjatë shirave përfundojnë në Lumin e Bistricës dhe pas përhapen në të gjitha plazhet e qytetit.
Ditën e sotme, dhjetra punonjës të Bashkisë Sarandë kanë filluar pastrimin dhe heqjen e plehrave në këtë zonë, madje duke përdorur edhe mjetet e rënda.
Në krye të këtij aksioni ka qenë kryetari i Bashkisë Sarandë Adrian Gurma, duke e parë nga afër gjendjen e krijuar dhe ndjekjen e aksionit të pastrimit.
