Një vajzë serbe denoncon: Më goditën me grusht pas koke në Ksamil
Një ngjarje e pazakontë është regjistruar më 10 korrik 2025 në Ksamil, ku një turiste serbe ka kallëzuar se është sulmuar fizikisht.
Sipas njoftimit zyrtar nga Policia, shtetasja M. P., 31 vjeçe, banuese në Beograd, ka bërë kallëzim duke deklaruar se është goditur me grusht pas koke nga një person ende i paidentifikuar, ndërsa ndodhej në një nga rrugët e Ksamilit.
Ngjarja është duke u hetuar, ndërkohë që strukturat policore kanë nisur punën për identifikimin dhe kapjen e autorit të dyshuar.
Ky denoncim ka ngritur shqetësime për sigurinë e vizitorëve në zonat turistike, në një periudhë ku Ksamil po përjeton fluks të lartë turistësh vendas dhe të huaj. Autoritetet kanë siguruar se do të intensifikojnë masat për garantimin e rendit dhe sigurisë publike.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
