Një tjetër automjet përfundon në Kanalin e Butrintit

08/08/2411:12

Shperndaje:

Një tjetër automjet ka përfunduar sot në ujërat e Kanalit të Butrintit, duke shënuar rastin e dytë brenda 8 ditësh. Ngjarja është shënuar rreth orës 05.00, kur një automjet i marrë me qera që vinte nga kufiri, ka humbur kontrollin dhe ka përfunduar në Kanalin e Butrintit në afërsi të fshatit Vrinë. Nga burime paraprake bëhet me dije se kanë qenë dy persona brenda në mjet, të cilët kanë mundur të dalin me not pa dëmtime. Policia e Sarandës është ndodhur menjëherë në vendin e ngjarjes ku ka nisur hetimet.

 

Sipas policisë mjeti që ka rënë ka qenë tip “Fiat” me targa AA 459 RL me drejtues shtetasin e huaj P. S. Ai i është nënshtruar testit të alkoolit ku herën e parë ka rezultuar në masën 0.906 mg/l dhe më pas 0.894 mg/l. Gjithashtu ai rezulton pa leje drejtimi. Për këtë arsye është arrestuar nga policia. Disa orë më pas automjeti është nxjerre me vinç nga uji.

 

Në 31 korrik një tjetër automjet ra në të njëjtin vend duke shkaktuar plagosjen e dy turistëve të huaj të cilët vinin nga Qafë-Bota. Burime pranë Komisariatit të Policisë Sarandë bëjne me dije se ky vend është rrezik konstant për aksidente dhe jo rrallë automjetet përfundojnë në kanal, pasi nuk ekziston asnjë sinjalistikë dhe barrierë që të paralajmërojë drejtuesit e mjeteve se aty është kthesë e fortë. Nga ana e sektorit të Qarkullimit Rrugor në Komisariatin e Sarandës është dërguar disa herë shkresë drejt ARRSH për vendosjen e sinjalistikës, por ende nuk ka asnjë reagim.


Ndajeni me miqte:

Postimet e fundit

7 Milionë Euro dështim: Edhe Parku Miqësia mbetet një parking makinash – VIDEO
Ujërat e zeza mbysin rrugën e re me mozaikë në Sarandë – VIDEO
Tenderi 100.000 euro për rrugët me beton në Shelegar, fitues oferta me 97%
IMT Sarandë shemb lokalin “Unico Lounge” në Ksamil, administrohej nga vëllezërit Sulejmani
Festa e 112-Vjetorit të Policisë në Komisariatin e Policisë Sarandë – VIDEO
U kap duke hedhur inerte në një tokë në Çukë, procedohet penalisht biznesmeni

Saranda Web Apartments and Hotels

©SARANDAWEB - 2024 • Ndalohet riprodhimi i paautorizuar i përmbajtjes së kësaj faqeje.