Një ngjarje e rëndë ka ndodhur mbrëmjen e vitit të ri në qytetin e Sarandës, ku një 19-vjeçar dyshohet se i ka vjedhur me dhunë shumën prej 400 eurosh një punonjësi lavazhi.
Sipas njoftimit zyrtar të Policisë, ngjarja ka ndodhur më 31 dhjetor 2024, në lagjen nr. 3 të qytetit. Falë reagimit të shpejtë dhe punës hetimore të shërbimeve të Komisariatit të Policisë Sarandë, u bë i mundur identifikimi dhe ndalimi i të dyshuarit, shtetasi I. A., 19 vjeç, banues në Sarandë.
Materialet hetimore janë dorëzuar Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme ligjore.
