Një denoncim i bërë në Komisariatin e Policisë Sarandë nga një 41-vjeçare, ka bërë që ndaj një të riu 34 vjeç të fillojë ndjekje penale.
Mësohet se 34-vjeçari merrte në telefon vazhdimisht herë me numër të hapur dhe herë me numër të fshehtë një 41-vjeçare.
Kjo situatë aspak e këndshme ka bërë që 41-vjeçarja ta denoncojë në polici dhe ndaj 34-vjeçarit të fillojë ndjekje penale.
Ndaj tij rëndon akuza e Përdorimit me keqdashje i thirrjeve telefonike dhe që sipas nenit 275, thirrjet telefonike keqdashëse që bëhen me qëllim për të prishur qetësinë e tjetrit, përbëjnë kundërvajtje penale dhe dënohen me gjobë ose me burgim deri në një vit.
