Ndërmarrja e Shërbimeve kërkon 30 punonjës të rinj: Do menaxhojmë Terminalin dhe vendparkimet

Ndërmarrja e Shërbimeve kërkon 30 punonjës të rinj: Do menaxhojmë Terminalin dhe vendparkimet. Këshilli Bashkiak i Sarandës pritet të shqyrtojë një projekt-vendim për shtimin e numrit të punonjësve në Ndërmarrjen e Shërbimeve Publike, në funksion të administrimit të terminalit të transportit dhe parkimeve publike në qytet.

 

 

Sipas projekt-vendimit, propozohet ndryshimi i pikës 1.3 të vendimit nr.153, datë 23 dhjetor 2025, duke shtuar 10 punonjës të përhershëm shërbimi dhe 20 punonjës sezonalë me kontratë 3-mujore. Efektet financiare të këtij ndryshimi do të përballohen nga buxheti i vitit 2026 i Ndërmarrjes së Shërbimeve Publike.

 

Në relacionin shoqërues thuhet se shtimi i stafit vjen si pasojë e rritjes së ngarkesës në administrimin e hapësirave publike, veçanërisht gjatë sezonit turistik, kur rritet ndjeshëm fluksi i automjeteve dhe vizitorëve në Sarandë.

 

Sipas dokumentit, administrimi i terminalit të transportit dhe parkimeve publike kërkon monitorim të vazhdueshëm, kontroll të hyrje-daljeve dhe menaxhim më efikas të fluksit të automjeteve, çka ka sjellë nevojën për burime njerëzore shtesë.

 

Bashkia argumenton se kjo ndërhyrje synon përmirësimin e cilësisë së shërbimeve publike, garantimin e rendit dhe sigurisë, si dhe administrimin më të mirë të infrastrukturës publike në territorin e qytetit.

 

Gjithashtu, në relacion theksohet se kostot financiare do të mbulohen jo vetëm nga buxheti i miratuar i ndërmarrjes, por edhe nga të ardhurat që sigurohen nga administrimi i terminalit dhe parkimeve publike.

 

Projekt-vendimi mbështetet në ligjin “Për vetëqeverisjen vendore”, ligjin “Për financat e vetëqeverisjes vendore” dhe legjislacionin për menaxhimin e sistemit buxhetor në Republikën e Shqipërisë.

Nëse miratohet nga Këshilli Bashkiak, vendimi do të hyjë në fuqi pas konfirmimit ligjor nga Institucioni i Prefektit të Qarkut Vlorë. Saranda Web

 

NDAJE ME MIQTË

NA NDIQNI:

POSTIMET E FUNDIT

Shi, erë e fortë dhe dallgëzim në Sarandë – Moti përkeqësohet nga e premtja
Lexoni më shumë
Natasha në Sarandë përfundon në spital pas ndërhyrjes së OSHEE dhe Policisë, reagon edhe Ina Zhupa
Lexoni më shumë
Momenti kur Policia e Sarandës “neutralizon” Natashën – VIDEO
Lexoni më shumë
Së shpejti nisin punimet në rrugët Onhezmi dhe Vangjel Pandi në Sarandë
Lexoni më shumë
10 familje në Gjashtë prej 8 ditësh pa ujë, banorët denoncojnë ndërprerjen e furnizimit pa paralajmërim
Lexoni më shumë
Një vit i mbarë për Konispolin, rritet prodhimi i mandarinave dhe zgjerohen eksportet drejt Europës
Lexoni më shumë

©SARANDAWEB - 2026 • Ndalohet riprodhimi i paautorizuar i përmbajtjes së kësaj faqeje.