Ndahet nga jeta Fejzo Hasani nga fshati Ninat i Konispolit
Një lajm i trishtë ka prekur sot banorët e fshatit Ninat dhe më gjerë: pas një beteje të gjatë me një sëmundje të rëndë, ka ndërruar jetë në moshën 76-vjeçare Fejzo Hasani, një njeri i dashur dhe i respektuar në komunitet.
Fejzo Hasani lindi dhe u rrit në fshatin Ninat të Konispolit. Njeri punëtor, i urtë dhe i dashur me të gjithë. I pranishëm në jetën e përditshme të fshatit, ai ishte shembull i përkushtimit familjar dhe vlerave të forta njerëzore. Kujtimet për të mbeten të gjalla në zemrat e atyre që e njohën nga afër — fqinjët, miqtë dhe bashkëfshatarët.
Vitet e fundit, për shkak të përkeqësimit të gjendjes shëndetësore, Fejzo Hasani u detyrua të largohej nga vendlindja për të jetuar pranë fëmijëve të tij në Athinë, ku fatkeqësisht edhe mbylli sytë përgjithmonë.
Ai la pas 3 djem dhe 1 vajzë, të cilët, me dhembje, do ta përcjellin për në banesën e fundit të Enjten 19 Qershor ora 10:30 duke përmbushur amanetin e tij për t’u prehur në tokën e shenjtë të fshatit Ninat, atje ku prehen rrënjët e jetës dhe kujtimeve të tij.
Prehu në paqe, Fejzo. Kujtimi yt do të mbetet i gjallë në zemrat tona.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
