Mungesa e parkingjeve rrit buxhetin e bashkisë nga gjobat

Mungesa e parkingjeve rrit buxhetin e bashkisë nga gjobat.
Gjatë ditëve të fundit, pas hapjes së Rrugës së Flamurit për automjetet, buxheti i Bashkisë Sarandë ka pësuar një rritje të ndjeshme.
Ndonëse më parë në Rrugën e Flamurit lejohej parkimi i automjeteve, pas kallrëmizimit të rrugës parkimi nuk lejohet.
Por nisur nga situata ku hapësirat për parkim të automjeteve në Sarandë janë shumë të pakta, drejtuesit e mjeteve i parkojnë në këtë rrugë.
Ky fakt e lumturon Bashkinë Sarandës pasi është një shans për të mos e humbur për gjoba dhe rritjen e të ardhurave dhe shpërdorimin e tyre në forma që ata dinë më së miri.
Drejtuesit e mjeteve megjithëse ankohen për situatën, ato bien në vesh të shurdhër, pasi i vetmi institucion që mund ta ndryshonte situatën dhe që është Këshilli Bashkiak i Sarandës është në situatë letargjike dhe të kapur nga interesat personale të anëtarëve të tij.
Këshilli Bashkiak i Sarandës duhet të mblidhej dhe të merrte vendim lejimin e parkimit me orar të kufizuar në Rrugën e Flamurit, me qëllim lehtësimin e situatës së rëndë të krijuar nga fluksi turistik.