Mandarina e Konispolit po konkurron shtetet fqinje si Italia dhe Greqia, një pjesë e mirë e prodhimit shkon për eksport, ku dominon Kosova. Tregtarët tregojnë arsyet se pse furnizohen në jug të Shqipërisë, por fermerët i druhen rënies së çmimit.
Sezoni i vjeljes së mandarinave sapo ka nisur në plantacionet e Konispolit, ku të gjithë fermerët janë të angazhuar për të mbledhur prodhimin që duket se është i mbarë. Përpos tregut vendas, mandarinat e Konispolit kanë kapur edhe tregun e Kosovës.
Tregtari i shumicës nga Prishtina, Shefik Latifi shprehet se mandarina e Konispolit është më e mirë se ato të Italisë dhe Greqisë. Aktualisht fermerët i shesin mandarinat me 50 lek/ kg me shumicë, por i druhen rënies së çmimin deri në fund të muajit kur shënohet kulmi i sezonit.
Ata kërkojnë subvencione për pesticidet dhe plehrat kimike si dhe përcaktimin e çmimit dysheme nga shteti.
Në zonën e Konispolit rreth 90% e banorëve merren me kultivimin e mandarinave dhe prodhimi i këtij viti pritet të shkojë në 50 mijë ton.
VIDEO
