Makina përplaset me 3 pisha te piramida në qendër të Sarandës – drejtuesi i dehur, arrestohet nga Policia
Një ngjarje e rrezikshme ka ndodhur në orët e vona në rrugën “Skënderbeu” në Sarandë, ku një automjet ka dalë nga kontrolli dhe është përplasur me pemët anësore të rrugës.
Policia njofton se ka arrestuar në flagrancë shtetasin S. B., 22 vjeç, banues në Francë, pasi rezultoi se po drejtonte automjetin në gjendje të dehur në momentin e aksidentit.
Për fat të mirë, nga përplasja nuk ka të lënduar, ndërsa automjeti ka pësuar dëme materiale.
Shërbimet e Policisë rrugore kanë ndërhyrë menjëherë në vendngjarje dhe kanë kryer veprimet e nevojshme procedurale. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë për veprime të mëtejshme ligjore.
Policia e Sarandës apelon sërish për respektim të rregullave të qarkullimit rrugor dhe shmangie të drejtimit të automjetit në gjendje të dehur, veprim që rrezikon seriozisht jetën e drejtuesit dhe të qytetarëve të tjerë.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
