Kryetarja e Bashkisë Delvinë Majlinda Qilimi infektohet nga Covid-19

Kryetarja e Bashkisë Delvinë Majlinda Qilimi është infektuar nga Covid-19.
Burime të Saranda Web bëjnë të ditur se kryetarja e Bashkisë Delvinë ka rezultuar pozitive pas kryerjes së testit të shpejtë.
Pas rezultateve të testit Majlinda Qilimi është izoluar në shtëpi dhe aktualisht gjendja e saj shëndetësore paraqitet e mirë.
Gjatë ditës së sotme në Delvinë, përveç kryetares së Bashkisë, kanë rezultuar pozitivë edhe 2 persona të tjerë, ndërsa gjatë ditëve të kaluara numri i personave pozitivë ka shënuar rritje në krahasim me ditët e fundit të 2021.

Saranda Web i uron kryetares së Bashkisë Delvinë Majlinda Qilimi shërim dhe rikthim në krye të punës sa më shpejtë.