VIDEO – Kryetari i PD Sarande Hariz Mema percillet per ne banesen e fundit

Kryetari i PD Sarande Hariz Mema percillet per ne banesen e fundit.
Kryetari i Partisë Demokratike Sarandë ka humbur jetën si pasojë e një ataku kardiak.

Hariz Mema është gjetur pa ndenja në Gjashtë dhe është transportuar në spital.
Mema drejtonte PD Sarandë prej 14 qershorit 2014, pas votimit në raundin e dytë dhe vinte nga bota e biznesit. Kishte lindur më 26 Tetor 1967 në Varfaj, Delvinë. Ishte i martuar dhe la pas 3 fëmijë.

VIDEO

I tronditur me lajmin për ndarjen nga jeta e bashkëpunëtorit të ngushtë Hariz Mema, Kryetari i Partisë Demokratike, Lulzim Basha, shprehet se mendimet dhe lutjet e tij janë me bashkëshorten Teuta, vajzën Brikenën dhe dy djemtë Sinanin dhe Johanin, të cilëve do ju gjendet pranë me gurin e rëndë të dhimbjes në zemër, me ngushëllimet e ndjera.

“Kjo është edhe një humbje shumë e rëndë për ne, për demokratët, ku ai prej dy mandatesh drejtoi me sukses degën e Sarandës, dhe për mua personalisht që kam humbur një mik të rrallë dhe bashkëluftëtarin e papepur të kaq shumë betejave,” shprehet Lulzim Basha në mesazhin e tij të ngushëllimit duke shtuar se Harizin do ta kujtojnë si përherë, fjalëpak e punëshumë, të vendosur, të dashur, të fortë dhe të qeshur.

Lajm i pabesueshëm ndarja nga jeta e mikut dhe bashkëpunëtorit tim të ngushtë Hariz Mëma. Jam i tronditur dhe pikëlluar pa fund kur mora lajmin se rruga e tij u ndërpre sot papritur, dhe turravrapi i tij i zakonshëm u ndal përgjithmonë, pikërisht teksa ishte në kulmin e energjisë dhe dinamikës së tij të pandalshme.

Mema ka qenë nga viti 2011 deri në 2014 kryetar i Shoqatës “LABERIA” – Dega Sarandë.

Nga viti 2012 ka qenë anëtar i Kryesisë së Partisë Demokratike, dega Sarandë.

Në vitin 2014 u zgjodh për herë të parë kryetar i Partisë Demokratike për Sarandën, dhe në këtë detyrë u rikonfirmua përsëri në vitin 2018.

Në zgjedhjet e vitit 2017 ishte kandidat për deputet në qarkun e Vlorës në listën e Partisë Demokratike.