Nëna e peshëngritësit Piro Dhima, kampion i disa Lojërave Olimpike, është gjendur e vdekur pranë banesës së saj në Himarë.
Lefteri Dhima, 75 vjeç, jetonte e vetmuar dhe kanë qenë fqinjët ata të cilët janë shqetësuar pasi nuk e kishin parë për disa ditë. Pasi kanë shkuar në shtëpi dhe nuk e kanë gjetur, ata kanë kontrolluar edhe në kopshtin pranë shtëpisë, aty ku kanë gjetur të moshuarën pa jetë.
Trupi i saj është transportuar në morgun e Sarandës për të përcaktuar shkaqet e vdekjes.
