Futën në qeli avokatin, Gjykata kërkon të pandehur 2 shefat e Policisë Sarandë

Futën në qeli avokatin, Gjykata kërkon të pandehur 2 shefat e Policisë Sarandë

Gjykata e Sarandës ka vendosur rikthimin për rihetim të një dosjeje penale, duke urdhëruar Prokurorinë që të marrë të pandehur për “Shpërdorim detyre” shefin e krimeve dhe shefin e komisariatit të qytetit.

Kjo çështje ka nisur nga një denoncim i bërë në qershor 2024 nga avokati A. K., i cili pretendon se është shoqëruar dhe mbajtur pa të drejtë në ambientet e komisariatit pas një debati verbal me dy punonjës të policisë. Avokati ka deklaruar se ndodhej në komisariat për të takuar një klient të tij të ndaluar nga policia, por në vend të kësaj, ai është ndaluar vetë për disa orë.

Hetimi i kësaj çështjeje u drejtua nga prokurorja Besiana Sadikaj, e cila, pas gjashtë muajsh, vendosi ta dërgojë dosjen për pushim në gjykatë.

Megjithatë, gjyqtari Fatmir Ndreu nuk e pranoi këtë vendim dhe urdhëroi kthimin e çështjes për rihetim, duke kërkuar hetime të mëtejshme mbi akuzën e “Shpërdorimit të detyrës”.

Ndërkohë, të dy punonjësit e policisë në qendër të kësaj çështjeje, S.N. dhe G.T., janë transferuar përkatësisht në Tiranë dhe Lushnje.

Website Saranda Web

Facebook Saranda Web

Instagram saranda.web

Youtube sarandaweb

Tiktok saranda.web

Pinterest sarandaweb

in sarandaweb