Ditët e fundit punimet për projektin: “Ndërtim, Asfaltim, Rrjeti Inxhinierik, Rruga Nr.1, Lëkurës, Loti 1+2”, në qytetin e Sarandës, kanë patur një intesifikim të ndjeshëm.
Në të gjithë segmentin e kantierit kompania kontraktuese ka shtuar mjete dhe punonjës për të përfunimin e punimeve sa më shpejt.
Fillimisht si afat për përfundimin e punimeve ishte caktuar Nëntori i 2021, por Fondi Shqiptar i Zhvillimit në një komunikim me Saranda Web ka sqaruar se për shkak të vonesave të shpronësimeve, kontrata është amenduar dhe punimet pritet të përfundojnë në shkurt.
