Ende asnjë rezultat nga kërkimet në Liqenin e Butrintit

Kur kanë kaluar 5 ditë nga zhdukja në Liqenin e Butrintit të peshkatarit Eduard Shahini, kërkimet e pulumbarëve nuk kanë patur asnjë rezultat, megjithëse kërkimet kanë qenë intensive dhe të pandalshme.
Eduart Shahini, 48 vjeç nga Ksamili, ishte duke peshkuar së bashku me të birin Santiago, kur varka e tyre u fundos në Liqenin e Butrintit, pasi mori ujë si pasojë e dallgëve. Duke qenë se largësia nga bregu ishte e konsiderueshme dhe kushtet e motit ishin të këqija, Eduarti nuk mundi të dilte në breg.
Policia e Sarandës nga ana e sajë ka  garantuar se kërkimet do të vazhdojnë në mënyrë të pandërprerë deri në gjetjen dhe nxjerrjen e tij nga uji.

.