Bonusi mujor i pensioneve pritet të dyfishohet në 2027, sa përfiton secila kategori

Bonusi mujor i pensioneve pritet të dyfishohet në 2027, cilat janë kategoritë që përfitojnë 220 milionë euro?

Pensionistët parashikohet të marrin një bonus mujor të dyfishuar nga janari i vitit 2027, krahasuar me atë të vitit 2026. Fondi i planifikuar për këtë mbështetje arrin në afro 20 miliardë lekë, ndërsa shuma që do të përfitojë secili pensionist do të varet nga lloji dhe masa e pensionit.

Për përfituesit e pensionit të plotë urban, me pension deri në 40 mijë lekë në muaj, bonusi parashikohet të jetë 3 600 lekë në muaj. Kjo kategori do të marrë shumën më të lartë të mbështetjes mujore.

Pensionistët e fshatit, pensioni i të cilëve nuk kalon 18 mijë lekë në muaj, parashikohet të përfitojnë 2 000 lekë bonus mujor. Për ata që marrin pension të pjesshëm urban deri në 22 mijë lekë, bonusi do të jetë 1 600 lekë në muaj.

Përfituesit e pensioneve familjare deri në 18 mijë lekë në muaj do të mbështeten me 1 400 lekë bonus mujor. Ndërsa për pensionet e invaliditetit, që nuk tejkalojnë 30 mijë lekë në muaj, shuma e parashikuar është 1 200 lekë në muaj.

Kufijtë e pensionit do të përcaktojnë edhe të drejtën e përfitimit. Pensionistët që marrin një pension mbi tavanin e vendosur për kategorinë e tyre nuk do të përfshihen në këtë skemë bonusi.

Krahas bonusit mujor, për vitin 2027 parashikohet edhe një fond prej 4 miliardë lekësh për indeksimin e pensioneve. Zbatimi i indeksimit planifikohet të nisë në prill, tre muaj më herët nga sa ishte parashikuar. Ai do të jetë një masë më vete nga bonusi mujor. Saranda Web

NDAJE ME MIQTË

NA NDIQNI:

POSTIMET E FUNDIT

3 ditë para Festës së Mandarinës, kryebashkiaku thërret fermerët për të diskutuar problemet e shitjes
Lexoni më shumë
Reshjet e shiut rikthehen në Sarandë, ja si parashikohet moti sot dhe nesër
Lexoni më shumë
“Çdo pasuri ka historinë e saj”, Odise Kote promovon në Sarandë romanin “Shpërfytyrimi”
Lexoni më shumë
Kamera, frigoriferi dhe televizori me Wi-Fi, si i shfrytëzojnë hakerët dhe çfarë duhet të bëni
Lexoni më shumë
Taksa e qarkullimit hiqet kalon te makinat, mjetet bujqësore do të përjashtohen
Lexoni më shumë
Rregulla të reja për shtigjet turistike, mundësi për zhvillimin e turizmit në Delvinë, Finiq, Konispol dhe Lukovë
Lexoni më shumë