Emërohen 2 gjyqtarë të rinj në Gjykatën e Sarandës, Alban Veçani transferohet në Durrës
Sot, më 3 tetor 2024, në një ceremoni të zhvilluar në ambientet e Këshillit të Lartë Gjyqësor, u betuan 32 gjyqtarë të rinj që kanë përfunduar Shkollën e Magjistraturës gjatë vitit akademik 2023-2024.
Mes tyre, Mexhit Doçi dhe Esmeralda Shehu u emëruan në Gjykatën e Shkallës së Parë të Juridiksionit të Përgjithshëm në Sarandë.
Doçi vjen direkt nga Shkolla e Magjistraturës, ndërsa Shehu sjell një përvojë të gjatë prej 8 vitesh, ku ka punuar si asistent notere/kordinatore në dy zyra noterie private në Tiranë dhe në një fondacion.
Këto emërime pritet të ndikojnë pozitivisht në përmirësimin e funksionimit të drejtësisë në Sarandë, duke fuqizuar më tej trupën gjyqësore.
Transferimi i gjyqtarit Alban Veçani
Në të njëjtën kohë, mësohet se gjyqtari Alban Veçani, i cili ka shërbyer në Gjykatën e Shkallës së Parë të Juridiksionit të Përgjithshëm në Sarandë, është transferuar në Gjykatën e Durrësit.
Emërimet e reja dhe lëvizjet në kuadër të sistemit gjyqësor vijnë si pjesë e përpjekjeve për të përmirësuar cilësinë dhe eficiencën e drejtësisë në të gjithë vendin. Këshilli i Lartë Gjyqësor e ka përshëndetur këtë ndryshim si një hap përpara drejt forcimit të transparencës dhe profesionalizmit në sistemin e drejtësisë.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
