Kryeministri Edi Rama ka paralajmëruar sot se shumë shpejt në Prokurorinë Speciale SPAK, do të ketë kallëzime për kryetar bashkish të zgjedhur nga PS. Ai nuk dha detaje konkrete, por tha se ata janë kapur nga Njësia Antikorrupsion.
“Shumë shpejt do keni kallëzime për figura të PS nga Njësia Antikorrupsion. Për kryetar bashkish që kanë turpëruar Partinë Socialiste. Së shpejti do t’i keni në SPAK”, u shpreh Edi Rama në një konferencë nga selia e PS.
I pyetur se përse socialistët nuk bëjnë kallëzime në SPAK për kundërshtarët politikë, Rama u shpreh se ishte kundër këtyre veprimeve, në një kohë që vendi ka drejtësi.
“Ça kallëzime të bëjmë më ne?! Për non-gratën. Ajo ka dalë akuza, nga Shtetet e Bashkuara. Dalin lloj e lloj analistash, e marrin nëpër gojë ambasadoren, Sekretarin e Shtetit, sikur Amerika është klubi i syrit qimi.net.
Ça kërkoni nga ne?! Ça kallëzimi të bëjmë ne?! Parti politike që bëjnë kallëzime, i kemi bërë dhe ne këto në të kaluarën por unë jam kundër këtyre. Kur s’ke drejtësi nuk ke ça bën, do i bësh, po tani e kemi drejtësinë”, u shpreh kryeministri.
