Ekipi i Butrintit të Sarandës ka shënuar sot humbjen e radhës përballë ekipit të Albpetrolit në Patos. Albpetroli ka shënuar dy herë pjesën e parë në min e 20 dhe 25 duke e mbyllur 2-0 pjesën e parë. Gjatë pjesën së dytë kur Butrinti shpresonte të bënte kthesë, kanë qenë përsëri futbollistët e Patosit që kanë shënuar në min e 60. Butrinti ka arritur të shënojë në min e 71 me anë të Llollaj, lojtar që ka shënuar përsëri në min e 93, duke shkurtuar diferencën e humbjen në 3-2
Ekipi i Delvinës ka zhvilluar takimin përballë Devollit në Sarandë. Pjesa e parë ka përfunduar 0-0. Në min e 65 gjyqtari anësor sinjalizon se kryesorin se pas një kontestimi për një pozicion jashtë loje, lojtari i Devollit A. Jahupaj e kishte fyer duke bërë që kryesori të mos ja kursejë kartonin e kuq. Gjatë këtyre momenteve Jahupaj nuk ka kursyer edhe fyerjet ndaj tifozerisë delvinjote, duke bërë që situata në stadium të ndezej dhe të kërkohej ndërhyrja e policisë për qetësimin e saj. Delvina ka arritur të shënojë vetëm në minutën e 92 me anë të Xhuvanit, por pas një gabimi të mbrojtjes delvinjote në min e 96 A. Xaka ka barazuar rezultatin në 1-1, duke bërë që gëzimi i delvinjotëve të zgjasi vetëm 4 minuta. Ky takim është transmentuar live në Saranda Web
Pas takimeve të sotme të javës së 7-të, Delvina ndodhet në kuotën e 5 pikëve, kurse Butrinti në vetëm 4 pikë.
