Open Procurement Albania ka klasifikuar me flamur të kuq një tjetër tender të Bashkisë Sarandë.
Bëhet fjalë për një marëveshje, e cila është lidhur në prag të vitit të ri, për riparimin e pompave të ujësjellësit me vlerën e 7 milionë e 860 mijë lekë të vjetra, tender i cili ka patur vetëm 1 ofertë.
Sipas Open Procurement, ky tender është vlerësuar me flamur të kuq
Prokurimi zhvillohet me një konkurrent të vetëm. Ligji shqiptar i lejon këto lloj procedurash. Shpesh këto procedura më shumë se mungesë konkurrence në treg shfaqin opsione të formulimit të kritereve dhe afateve për dorëzim dokument në favor të një kompanie të paramenduar klienteliste. Këto tendera meritojnë të konsiderohen të ekspozuara dhe me risk, thuhet në shpjegimin e Open Procurement Albania. 
