Pavarësisht se në mënyrë informale ishte njoftuar se pika e kalimit kufitar të Qafë Botës do të hapej për punonjësit sezonalë në datat 25 tetor deri në 10 nëntor, dicka e tillë nuk ka ndodhur dhe Qafë Bota edhe sot vijon të jetë e bllokuar.
Të mërkurën është njoftuar një takim i autoriteteve vendore greke të Igumenicës me autoritetet shëndetësore të menaxhimit të krizës së COVID 19 në Greqi për të diskutuar lejimin e qarkullimit në Qafë Botë.
Pak ditë më parë qindra banorë të zonave kufitare shqiptare zhvilluan në Qafë Botë një protestë për hapjen e Pikës kufitare dhe lejimin e lëvizjes së punëtorëve sezonalë.
