Anullimi i Kardhiq-Sarandë/ Qeveria: Kemi halle të tjera


Ministrja e Infrastrukturës, Belinda Balluku konfirmoi anulimin e tenderit për rrugën Kardhiq-Sarandë duke dhënë dhe arsyet se pse u mor ky vendim.

“Ministria ka të drejtë që t’i japë prioritet disa nga çështjeve emergjente që mund të ketë, dhe nuk ka lidhje ka fonde apo s’ka fonde. Këto janë prioritetet momentale që ka Ministria”, tha Balluku.

Loti i 7 i rrugës Kardhiq-Sarandë ka një kosto totale prej 19 milionë euro. Në buxhetin e vitit 2019, Qeveria kishte parashikuar 4.6 milionë euro për financimin e këtij aksi. Por sipas Ballukut, Ministrisë i kanë ndryshuar prioritetet.

“Po flasim për shtyrje të procesit. Kjo shtyrje procesi vjen për shkak sepse ka një projekt tjetër i cili është më emergjent. Ju duhet ta kuptoni që ARRSH nuk bën vetëm rrugë të reja. Kemi ura, rrugë të cilat mund të kenë emergjenca dhe duhen mbuluar”, tha ministrja.

Kardhiq-Delvinë prej vitesh konsiderohet si një nga projektet më të rëndësishme të infrastrukturës. Ky aks shkurton me gati 3 orë rrugën Tiranë-Sarandë dhe vetëm dy muaj më parë gjatë një inspektimi në terren vetë ministrja Balluku u shpreh e bindur së rruga do të përfundonte para afatit. Por tashmë Ministria thotë se është fokusuar në projekte të tjera me prioritare.

NDAJE ME MIQTË

NA NDIQNI:

POSTIMET E FUNDIT

“Çdo pasuri ka historinë e saj”, Odise Kote promovon në Sarandë romanin “Shpërfytyrimi”
Lexoni më shumë
Kamera, frigoriferi dhe televizori me Wi-Fi, si i shfrytëzojnë hakerët dhe çfarë duhet të bëni
Lexoni më shumë
Taksa e qarkullimit hiqet kalon te makinat, mjetet bujqësore do të përjashtohen
Lexoni më shumë
Rregulla të reja për shtigjet turistike, mundësi për zhvillimin e turizmit në Delvinë, Finiq, Konispol dhe Lukovë
Lexoni më shumë
Arrestohet në Igumenicë një grua me mbi 86 kg kanabis në makinë
Lexoni më shumë
Shkarkohet nga detyra kreu i IKMT? Afrim Qendro: Mua nuk më kanë njoftuar akoma
Lexoni më shumë