.
Anila Denaj: Roli i gruas thelbësor për fitoren e PS
Gratë kanë një rol të rëndësishëm jo vetëm në familje apo komunitet, por edhe në zhvillimin ekonomik të vendit.
Kandidatja nr.4 për deputete e PS, në Qarkun e Vlorës, Anila Denaj, zhvilloi një takim shumë miqësor me zonja të nderuara të Lagjes 4, Sarandë, që krahas bizneseve të tyre të vogla, mbajnë edhe familjet e tyre.
“Rolin e gruas e konsideroj thelbësor për fitoren e së majtës progresiste, në 25 Prill. Jam këtu si kandidate për deputete për t’i mbështetur dhe inkurajuar”, shpreh kandidatja Denaj, në rrjetet e saj sociale.
Gjatë këtij takimi zonja Denaj vlerësoi se Qeveria Rama dhe Partia Socialiste i kanë dhënë një dimension tjetër përfaqësimit të gruas në politike dhe vendimmarrje.
Ndaj dhe gratë janë një forcë e madhe që dinë më së miri ta tregojnë këtë, tha Denaj, duke kërkuar mbështetjen e tyre për Kandidaten me nr 4 të Partisë Socialiste, në zgjedhjet e 25 Prillit.
