Abuzoi seksualisht dhe më pas shfrytëzoi për prostitucion 13-vjeçaren, arrestohet kryeinspektori i Policisë Sarandë dhe tutori

Shërbimi i Çështjeve të Brendshme dhe Ankesave në Policinë e Shtetit ka arrestuar punonjësin e policisë, Petraq Rako, pasi dyshohet se në bashkëpunim me një person tjetër kanë abuzuar seksualisht me një vajzë 13-vjeçare dhe e kanë shfrytëzuar atë për prostitucion.

Mund të ishte mbesa e tyre, por kjo nuk ka penguar dy burra mbi të 60-at që të abuzojnë seksualisht dhe më pas ta përdorin për prostitucion një 13 vjeçare. Ngjarja e rëndë ka ndodhur në Sarandë, ndërsa situata bëhet edhe më skandaloze ku i përfshirë në këtë skemë është edhe kryeinspektori i Policisë Sarandë.

Në pranga përfundoi kryeinspektori Petraq Rako, 63 vjeç, punonjës policie Trup Shërbimi në PKK Rrips dhe tutori Stefan Koloi, 62 vjeç, banues në fshatin Xarrë, Konispol. Arrestimi i tyre është bërë nga SHÇBA , pas një hetimi 1 mujor për rastin që ishte denoncuar në Polcicinë e Sarandës.

Kryeinspektori Rako, i cili ishte klient i 13-vjeçares u arrestuar në flagrancë, ndërsa Stefan Koloi, 62 vjeç ishte tutori i saj, i cili ka shfrytëzuar për qëllime përfitimi 13 vjeçaren, duke përshtatur një ambient për shfrytëzimin e prostitucionit.