A do të jetë gati për këtë vit shkollor Eko Kampusi Universitar në Sarandë?

26/08/2213:48

Shperndaje:

Punimet për ndërtimin e Eko Kampusit Universitar në Sarandë kanë përfunduar prej 4 vjetësh, por pavarësisht kësaj, duket se edhe këtë vit mësimi në shkollat e qytetit të Sarandës do të vazhdojë me turne.

3 vjet më parë, pikërisht më 14 shtator 2019, pas shqetësimit të ngritur nga drejtoresha e shkollës “9 Tetori”, kryetari i Bashkisë Adrian Gurma u shpreh se kemi ngritur një grup pune për të bërë preventivin e bangave dhe disa punimeve të tjera të brendshme të cilat kishin mbetur pa përfunduar.

Më 26 gusht 2020, drejtori i Zyrës Arsimore Sarandë Vladimir Dema u shpreh se tek Eko Kampusi kanë mbetur për t’u kryer vetëm disa punime hidraulike dhe elektrike, ndërsa baza materiale me tavolina dhe karrige është gati.

Por pavarësisht këtyre, Eko Kampusi nuk do të jetë gati as për fillimin e këtij viti shkollor.