7 milionë euro investim, por shatërvani nuk ka funksionuar asnjë ditë
Ky është shatërvani në parkun “Miqësia” në zemrën e qytetit tonë. I ndërtuar si pjesë e investimit për “Rivitalizimin e Qendrës së Sarandës”, me një kosto totale që kap vlerën e 7 milionë eurove, ai duhej të ishte një simbol i freskisë dhe gjallërisë.
Por realiteti është ndryshe.
Shatërvani nuk ka nxjerrë asnjëherë ujë. Pavarësisht se punimet kanë përfunduar prej disa muajsh, ai vijon të qëndrojë i fikur, bosh dhe pa jetë. Asnjë pikë uji, asnjë dritë, asnjë gjurmë funksionimi – vetëm heshtje. Heshtje teknike? Heshtje institucionale? Askush nuk di të thotë me siguri.
Ashtu siç hesht edhe bashkia. Deri më sot nuk ka asnjë përgjigje përse ky shatërvan nuk është vënë në funksion. Një investim i tillë, në një qytet që ka aq shumë nevoja reale, nuk mund të lihet në harresë pa llogaridhënie.
A është ky shatërvan një tjetër monument i keqmenaxhimit?
Saranda meriton më shumë. Qytetarët kanë të drejtë të pyesin dhe të marrin përgjigje. Ndërsa shatërvani – ndonëse pa ujë – vazhdon të qëndrojë aty, si një ironi betoni dhe mozaikësh mbi premtimet e pambajtura.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
