2 Tendera të tjerë në Bashkinë Finiq me 99% të fondit limit

Bashkia Finiq ka njoftuar për shpalljen e fituesit për 2 tendera të zhvilluar ditët e fundit. Bëhet fjalë për tenderat “Portali taksapaguesve” dhe “Dixhitalizimi aseteve pyjeve dhe kullotave”.
Në të dyja rastet, tenderat janë zhvilluar pa konkurencë dhe oferta ka qenë për të dyja tenderat nga i njëjti subjekt.
Ashtu sic ndodh përgjithësisht në tenderat e Bashkisë Finiq, edhe në këta 2 tendera oferta fituese ka qenë në shifrat rreth 99% të fondit limit dhe konkretisht:
– Për tenderin “Dixhitalizimi aseteve pyjeve dhe kullotave” fondi limit ishte 15 milionë lekë pa tvsh, ndërsa oferta fituese është shpallur me vlerën 14.900 lekë
– Për tenderin “Portali taksapaguesve” fondi limit ishte 2,166,666 lekë pa tvsh ose rreth 26 milionë lekë të vjetra me tvsh. Edhe për këtë tender nuk ka patur konkurencë dhe fitues është shpallur subjekti me ofertë 2,100,000 lekë pa tvsh.
Duke parë oferat dhe fituesit e tenderave në Bashkinë Finiq natyrshëm lind pyetja: Vërtet pjesmarrësit në këta tendera lozin bllofin apo marrin paraprakisht garanci se fitues do të shpallen ata?!