Zbulohet nga arkeologu Halil Shabani rruga e kalldrëmtë në grykën e Bogazit – VIDEO

Zbulohet nga arkeologu Halil Shabani rruga e kalldrëmtë në grykën e Bogazit – VIDEO

 

Një segment rruge me kalldrëm është zbuluar nga arkeologu Halil Shabani, i cili thotë se i përket periudhës antike dhe Mesjetës. Ajo ndodhet në fshatin Shkallë të Bashkisë së Konispolit, pikërisht në vendin ku mbaron Gryka e Bogazit.

 

 

“Ka tregues ineresant, është një rrugë e kalldrëmtë gati 100 metra. Pjesa më e madhe e saj është e ruajtur mirë për shkak të terrenit malor dhe larg qendrës së banimit. Ka qenë përdorur për kalimin e karvanëve”, tha Halil Shabani, arkeolog.

 

Gjerësia e kalldrëmit dhe pozicioni gjeografik buzë lumit Pavla, në Grykën e Bogazit të bën të mendosh se rruga ka shërbyer për të lidhur qytetet antike Foinike, Çukën e Ajtojt dhe Nikopolin më në jug.

“Autorët të lashtë grekë e romakë kanë përshkuar këtë lidhje tregtie të qyteteve antike. Kjo rrugë i përket kohës së Mesjetës… Por mund ti përkasë dhe asaj Antike”, tha Halil Shabani, arkeolog.

 

Kjo rrugë ende nuk ekziston në arkivin e arkeologjisë shqiptare. Ndaj Shabani kërkon që institucionet të nisin studimet për përcaktimin e saktë të periudhës kohore.

 

Qyteti antik i Çukës së Ajtoit

 

Kodra mbi të cilën ndodhen rrënojat e Kalasë ndodhet 8 km në perëndim të Konispolit mbi fshatin Çiflik. Ajo ka formën e një koni me majë të hollë dhe është 350 m mbi nivelin e detit. Çuka e Ajtoit u vizitua për herë të parë nga misioni arkeologjik Italian gjatë fushatave të gërmimeve në Butrint. Gërmimet e para u kryen në vitin 1936, në fillim nga Ugolini dhe më vonë nga Markoni.
Dokumentacioni mbi rezultatet e germimeve humbi në një katastrofë ajrore. Është qendra e dytë e rëndësishme në këtë pellg. Ajo ngrihet në skajin juglindor të krahinës, në krahun e majtë të rrjedhjës së lumit Pavlla.
Në anën veriore ajo ka një rënie të theksuar shkëmbore, ndërsa në anën jugperëndimore zbresin tarraca të përshtatshme për banim.

 

NDAJE ME MIQTË

NA NDIQNI:

POSTIMET E FUNDIT

Qeveria kundërshton shfuqizimin e ndryshimeve në ligjin për zonat e mbrojtura
Lexoni më shumë
Pragu i TVSH zbret në 5 milionë lekë: Mijëra fermerë rrezikojnë të humbasin kompensimin 10%
Lexoni më shumë
Nga 1 janari 2027 ulen tarifat e pasaportave dhe kartave të identitetit për tri kategori
Lexoni më shumë
Aksident tragjik: humb jetën shefi i Krimeve të Rënda në Vlorë Ermal Lula
Lexoni më shumë
Tuneli i Llogarasë 82 milionë euro dëm shtetit. SPAK: Belinda Balluku orientoi tenderin
Lexoni më shumë
Ambasadori amerikan Eric Wendt vizitë në Sarandë dhe qytetin antik të Butrintit
Lexoni më shumë