Ndonëse pas apelit publik drejtuar nga deputeti Alket Hyseni u njoftua se pensionistët e bashkisë Sarandë do të largoheshin nga puna për t`u hapur rrugë punësimit të të rinjve në administratën e Bashkisë Sarandë, kjo gjë ende nuk ka ndodhur.
Sipas burimeve të Saranda Web, ishte mësuar se afati i fundit që pensionistët e bashkisë do të vegjetonin në zyrat e saj ishte 28 shkurti, asnjë prej pesionistëve nuk është larguar.
Dhjetra të rinj mësohet se i janë drejtuar bashkisë për të aplikuar në vendet e punës që aktualisht po mbahen nga pensionistët.
Nga kontakte të tyre me Saranda Web mësohet se dita kur pensionistët do të hapin rrugë do të jetë e largët, pasi ata nuk kanë ndër mend të largohen dhe as nga ana e bashkisë nuk është bërë asnjë veprim për nxjerrjen e tyre në pension.
