Prokurori i Sarandës Edison Ademi fiton në Strasburg, vendimi i Gjykatës: U shkarkua padrejtësisht

Edison Ademi fiton në Strasburg, shkarkimi i ish-kreut të Prokurorisë së Sarandës u cilësua joproporcional

Gjykata Europiane e të Drejtave të Njeriut vendosi më 10 nëntor 2026 se shkarkimi i Edison Ademit, ish-drejtues i Prokurorisë së Sarandës, ishte një masë joproporcionale. Gjykata i akordoi 6 mijë euro për dëmin jopasuror dhe 5 mijë euro për shpenzimet gjyqësore. Sipas Strasburgut, procesi i vettingut mund të rihapet nëse Ademi e kërkon.

Çështja lidhej kryesisht me paratë që vëllai i Ademit i kishte dërguar nga Mbretëria e Bashkuar. Ademi i kishte deklaruar ato dhe kishte shpjeguar se shërbenin për shpenzimet e prindërve. Kolegji i Posaçëm i Apelimit vlerësoi se provat për burimin e ligjshëm të parave ishin të pamjaftueshme. Strasburgu, nga ana e tij, çmoi se kërkesa për të provuar pagesën e tatimeve në Britani për të ardhura të siguruara vite më parë i kishte ngarkuar Ademit një barrë të tepruar.

Shkarkimi dhe replika në seancë

Komisioni i Pavarur i Kualifikimit e dëgjoi Ademin më 5 prill 2019 dhe vendosi shkarkimin e tij më 9 prill, pas shqyrtimit të pasurisë dhe të aftësive profesionale. Trupa e Komisionit drejtohej nga Genta Tafa Bungo dhe kishte anëtarë Lulzim Hamitajn dhe Firdes Shulin.

Në fund të seancës Ademi iu drejtua trupës së Komisionit pa përmendur ndonjë emër: “Kjo nuk mbaron këtu, do përballemi sërish bashkë. Po nuk të futa në burg, mbaje mend.”

Më 9 nëntor 2020, Kolegji i Posaçëm i Apelimit rrëzoi gjetjet e Komisionit për etikën, por e la në fuqi shkarkimin vetëm për shkak të deklarimit të pamjaftueshëm të pasurisë. Pikërisht këtë masë Strasburgu e cilësoi joproporcionale. Saranda Web

NDAJE ME MIQTË

NA NDIQNI:

POSTIMET E FUNDIT

Prokurori i Sarandës Edison Ademi fiton në Strasburg, vendimi i Gjykatës: U shkarkua padrejtësisht

Prokurori i Sarandës Edison Ademi fiton në Strasburg, vendimi i Gjykatës: U shkarkua padrejtësisht

18 Nëntor 2026 18:02
Flamurtari dhe Butrinti përballen sot në Kupë, sarandiotët synojnë surprizën

Flamurtari dhe Butrinti përballen sot në Kupë, sarandiotët synojnë surprizën

18 Nëntor 2026 09:54
Qeveria kundërshton shfuqizimin e ndryshimeve në ligjin për zonat e mbrojtura

Qeveria kundërshton shfuqizimin e ndryshimeve në ligjin për zonat e mbrojtura

17 Nëntor 2026 12:39
Pragu i TVSH zbret në 5 milionë lekë: Mijëra fermerë rrezikojnë të humbasin kompensimin 10%

Pragu i TVSH zbret në 5 milionë lekë: Mijëra fermerë rrezikojnë të humbasin kompensimin 10%

17 Nëntor 2026 10:52
Nga 1 janari 2027 ulen tarifat e pasaportave dhe kartave të identitetit për tri kategori

Nga 1 janari 2027 ulen tarifat e pasaportave dhe kartave të identitetit për tri kategori

17 Nëntor 2026 09:23
Aksident tragjik: humb jetën shefi i Krimeve të Rënda në Vlorë Ermal Lula

Aksident tragjik: humb jetën shefi i Krimeve të Rënda në Vlorë Ermal Lula

16 Nëntor 2026 19:29