U bllokua rruga për 30 minuta, gjobë 200 mijë lekë automjetit të parkuar- VIDEO
Një ngjarje e pazakontë ndodhi sot në rrugën Skënderbeu të qytetit Sarandë, ku një automjet i parkuar në mënyrë të gabuar bllokoi trafikun për plot 30 minuta. Incidenti u regjistrua rreth orës 13:00, kur një autobus u bllokua për shkak të parkimit të gabuar të një automjeti.
Policia rrugore mbërriti në vendngjarje pas njoftimit të qytetarëve të irrituar nga situata. Pas verifikimeve, u konstatua se automjeti kishte bllokuar një nga korsitë kryesore, duke shkaktuar kaos në qarkullim dhe vonesa të konsiderueshme për udhëtarët.
View this post on Instagram
Drejtuesi i automjetit u gjobit me 20,000 lekë të reja për parkim të gabuar dhe për bllokim të rrugës. Policia apelon për më shumë kujdes nga ana e shoferëve, duke kujtuar se shkelje të tilla jo vetëm që dëmtojnë qarkullimin e lirë të mjeteve, por edhe rrezikojnë sigurinë publike. Ky incident është një kujtesë e fortë për të gjithë drejtuesit e automjeteve që të respektojnë rregullat e qarkullimit rrugor dhe të tregojnë përgjegjësi në përdorimin e hapësirave publike.
Ndajeni me miqte:
Na ndiqni:
Postimet e fundit
