Tender 210,000 euro për shtrimin e 350 metër rrugica në zonën Turizëm-Kanali i Çukës
Është shpallur tenderi me vlerë 210,000 euro për rikualifikimin e tre rrugëve të brendshme në zonën Turizëm-Kanali i Çukës, Sarandë. Rrugët kanë një gjatësi totale prej 350 metra linear dhe gjerësi 5 metra, sipas terrenit ekzistues.
Rrugët ndodhen në një zonë urbane, të kufizuara nga mure rrethues avllish, dhe janë në gjendje të degraduar. Projekti synon përmirësimin e infrastrukturës rrugore për të siguruar qarkullim më të mirë dhe për të mbështetur funksionet urbane e turistike të zonës.
Ndërhyrjet do të përfshijnë shtrimin dhe nivelimin e rrugëve, duke krijuar një infrastrukturë më të përshtatshme për përdoruesit.
