Shoqata e Transportit Ndërqytetas ka paralajmëruar sot se nëse Ministria e Infrastrukturës dhe bashkia e kryeqytetit nuk do të plotësojnë kërkesat e tyre brenda dy javësh atëherë do të bllokojnë terminalin e ri të autobusëve për linjat e Jugut dhe Veriut te Kthesa e Kamzës.
Kreu i shoqatës Kujtim Meta deklaroi për mediat se problemet që hasin janë disa, duke filluar nga linjat e paligjshme, urbanët që të fillojnë punën që në orën 05:00 të mëngjesit dhe të shkojnë te terminali, por edhe të hapet rruga për të shkuar direkt në autostradë.
Bllokimi i Terminalit të autobusave në Kamëz do të sillte automatikisht edhe paralizimin e udhëtimeve nga Tirana drejt Jugut dhe anasjelltas.
Ndërkohë në Sarandë agjensitë e udhëtarëve shpesh janë ankuar për automjetet e palicensura, të cilat kryejnë transport udhëtarësh në kunëdrshtim me ligjin dhe për indiferencën e strukturave shtetërore për këtë fenomen.
