Shmanget tragjedia: Fëmija 3-vjeçar varet në kangjellat e ballkonit

Eshte shmangur nje prag tragjedie ne qytetin e Sarandes, ku nje femije 3-vjecar ka rrezikuar te rrezohet nga kati i nente i pallatit me te larte ne Sarande.
Ngjarja eshte shenuar paraditen e sotme ne pallatin 15-katesh ne qender te Sarandes.
Nje femije 3 vjec, i cili i ka shpetuar vemendjes se prinderve,  ka dale ne ballkon dhe ka kapercyer kangjellat.
Femija eshte vene re rastesisht nga nje person ne tregun e qytetit, i cili ndodhet ne krahun e pasem te nderteses.

Menjehere eshte njoftuar policia, forcat zjarrfikse dhe ambulanca. Ne te njejten kohe qe dhjetra njerez ndiqnin me ankth kete ngjarje, nje punonjes i policise ka arritur te shkoje ne banese dhe se bashku me nenes e femijes kane arritur ta kapin femijen dhe te shmangin keshtu nje tragjedi te vertete.

Banoret e 15-katshit, te cilet me se shumti jane me qera, shprehen se verandat ne kete godine jane shume te rrezikshme per shkak se kangjellat ngrihen pothuajse nga niveli zero i verandes dhe se ata jane detyruar te vendosin rrjeta plastike per mbrojtjen e femijeve.